Թղթից դեպի գործ
Գաղտնիք չէ, որ «Եվրոպական հարևանության քաղաքականության» գործողությունների ծրագիրն ընդունված է, ԵՀՔ շրջանակներում ՀՀ-ԵՄ գործողությունների ծրագրով նախատեսված՝ 2007 թվականի ընթացքում իրականացվելիք միջոցառումների պատկառելի ցանկն էլ՝
հաստատված: Ի՞նչ է առաջարկում ԵՀՔ քաղաքական փաստաթուղթը Հայաստանին: Չափազանց պարզ ու հասկանալի գործընթաց՝ նախաձեռնել ԵՄ հետ զուտ համագործակցություն զարգացնելու հեռանկարից դուրս եկող ավելի սերտ հարաբերություններ, ինչը ենթադրում է տնտեսական ինտեգրացիա և քաղաքական համագործակցության խորացում:
ՀՀ կառավարությունը, հիմք ընդունելով ԵՀՔ փաստաթղթում ամրագրված սկզբունքները, 2007-ի հուլիսի 19-ին հաստատեց տարեկան միջոցառումների և առաջնայնությունների ցանկը: Լինենք արդարացի՝ գոնե միգրացիոն ոլորտին նվիրված մասը շարադրված է բավականաչափ հստակ, առանձնացված են խնդիրներն ու սահմանված են պատասխանատուները:
Գործընթացի մեկնարկը տրված է: 2007 թվականի համար սահմանված միջոցառումների շրջանակներում իրականացվում են որոշակի քայլեր, մասնավորապես՝
- անօրինական միգրացիայի կարգավորման նպատակով եվրոպական չորս երկրների հետ կնքվել են ռեադմիսիոն համաձայնագրեր, 10 այլ երկրների հետ համաձայնագրերի կնքման շուրջ բանակցություններն ընթացքի մեջ են,
- փախստականների և ապաստանի հարցերի կարգավորման շրջանակներում շրջանառության մեջ է դրված ՀՀ օրենքի նախագիծ,
- միգրացիոն հոսքերի վերահսկման էլեկտրոնային տվյալների համակարգի մշակման ուղղությամբ առաջին քայլն արված է…
Թվարկումը, թերևս, կարելի է շարունակել: Սակայն այդ ցանկից անհրաժեշտ է առանձնացնել մեկը, որ կարևոր է ոչ միայն ԵՄ-Հայաստան հարաբերությունների տեսանկյունից, այլ նաև խիստ արդիական թե՛ սոցիալական և տնտեսական անվտանգության և թե՛ աշխարհաքաղաքական արագ փոփոխվող ու անկանխատեսելի իրականության պայմաններում:
Արդյո՞ք ոտքը վերմակի չափ է մեկնվել
ՀՀ միգրացիոն ոլորտի կարգավորման խնդիրների շարքում դրվում է չափազանց կարևոր և հավակնոտ առնվազն մեկ առաջադրանք՝ մշակել միգրացիայի և ապաստանի խնդիրների ազգային գործողությունների ծրագիր:
Ունենալ Ազգային գործողությունների ծրագիր նշանակում է ունենալ ՀՀ միգրացիոն ոլորտի կարգավորման հիմնական քաղաքական մի փաստաթուղթ, որում հասցեագրված են ինչպես անօրինական միգրացիայի կանխարգելման, փախստականների և ապաստանի, միգրացիոն հոսքերի վերահսկման, մուտքի և ելքի հարցերի կարգավորման, այնպես էլ բազմաթիվ այլ՝ կառավարության որոշումներում թվարկված կամ չթվարկված խնդիրները:
Ահա այս կետում գործընթացը կաղում է: Այստեղ է, որ, կարծես, իրատեսորեն չեն գնահատվել առկա ռեսուրսները, հաշվի չի առնվել, որ ոլորտի պատասխանատու օղակների կարողությունների հզորացման անհրաժեշտություն կա:
Երկաթը տաք է, մնում է ծեծել
Մեռյալ կետից շարժվելու համար առկա է չափազանց նպաստավոր մթնոլորտ և նախադրյալներ.
- ԵՀՔ ԳԾ առկայությունն արդեն իսկ վկայում է այն մասին, որ ինչպես ԵՄ, այնպես էլ ՀՀ կողմից հստակ գիտակցվում է շահերի ողջ համակարգը՝ ներառյալ քաղաքական և տարածքային անվտանգությունը,
- պատկան մարմիններն ունեն հստակ պատկերացում փաստաթղթի վերաբերյալ և քաղաքական կամք այն իրականություն դարձնելու տեսանկյունից,
- միջազգային հանրության կողմից առկա է շահագրգիռ պատրաստակամություն օժանդակելու այս նախաձեռնությանն, ինչպես երկկողմ պաշտոնական հարաբերությունների, այնպես էլ փորձագիտական օժանդակության տրամադրման ուղղություններով,
- հետզհետե ավելի զգալի է դառնում հարցերը հրապարակ հանելու և հրատապ դարձնելու ուղղությամբ հասարակական պահանջարկը:
Ո՞րն է մոտեցումը
Խնդիրների կարևորությունը պարզապես պարտավորեցնում է միավորել առկա ուժերն ու ռեսուրսները, այդ թվում՝ միջազգային և դոնոր, ինչպես նաև տեղական հասարակական կազմակերպությունները:Իսկ մոտեցումը պիտի լինի փուլային:
Առաջին փուլում մեզ անհրաժեշտ է ուսումնասիրել միգրացիոն խնդիրները ԵՀՔ տեսանկյունից, ամրագրել կարևորագույն հանգուցային կետերն ու մշակել քաղաքական փաստաթղթի կառուցվածքը (կմախքը): Այստեղ մեզ աջակցության պիտի գա միջազգային փորձն ու փորձագիտական ներուժը: Անհրաժեշտ է իրականացնել հետազոտական և վերլուծական աշխատանք, առաջադրել հնարավոր լուծումներ և զարգացման սցենարներ:
Երկրորդ փուլը պետք է նախատեսել նախորդի արդյունքում որոշված «կմախքին միս ու արյուն» տալու, փաստաթղթի բովանդակությունը մշակելու համար: Այստեղ անհրաժեշտ է միավորել և՛ պետական, և՛ հասարակական, և՛ միջազգային փորձագիտական ներուժը, օրինակ՝ ստեղծելով միջգերատեսչական հանձնաժողով և դրա ենթակայությամբ գործող աշխատանքային խմբեր:
Երրորդ փուլ. մշակել միգրացիոն ոլորտի կարգավորման քաղաքական փաստաթուղթը կյանքի կոչելու Ազգային ծրագրի գործողությունների ու խնդիրների միասնական և համապարփակ ցանկ՝ առանձնացնելով և սահմանելով պատասխանատու մարմիններն ու կառույցները, ինչպես նաև դրանք իրագործելու համար անհրաժեշտ ֆինանսական և այլ միջոցները:
12 Comments to “ՀԱՄԱՌՈՏԱԳԻՐ | ԵՀՔ ԳԾ-ն որպես ՀՀ միգրացիոն արդյունավետ քաղաքականության զարգացման խթան”
December 11, 2007
Իհարկե, «ստեղծելով միջգերատեսչական հանձնաժողով և դրա ենթակայությամբ գործող աշխատանքային խմբեր», «առանձնացնելով և սահմանելով պատասխանատու մարմիններն ու կառույցները»: Իհարկե:
Ձեր լուսնից ընկած (լավագույն դեպքում) պարզունակությամբ՝ առաջադրեք ստեղծել նորանոր բյուրոկրատական կառույցներ, առանց կոռումպացված և սովորական քաղաքացուն հակադրված համակարգը փոխելու: Իհարկե: Զբաղվեք «կոնստրուկտիվ» աշխատանքով, նոր ներկով պատեք փտած սյուները: Իհարկե:
Ի՞նչ կարևոր է, որ 100%-ով գիտակցում եք, որ իրականում այդ «բարեփոխությունների» մեծ մասը կդառնա մի նոր մեծ խոչընդոտ այն բազմահազար հայաստանցիների համար, ովքեր ներս ու դուրս են անում և իրենց ընտանիքները մի կերպ ապահովում՝ արտասահմանում աշխատելով: Ի՞նչ կարևոր է, որ իրականում անձնագրային սեղանները, օդանավակայանի հսկիչերը և տարբեր դեսպանատների աշխատողները վերջապես կսկսեն իրենց վզերն ու գրպանները հաստացնել և/կամ օրինապահ քաղաքացիների նյարդերը այս նոր դաշտում էլ քայքայել (կարծես թե մնացած բոլոր բնագավառները քիչ էին):
Հակառակը, երբ հետագայում պարզվի, որ այս «կառույցն» էլ ճիշտ չի աշխատում, կարելի է մեկ հատ էլ Համառոտագիր կազմել՝ նոր «կոնստրուկտիվ» առաջարկներով լի….
December 11, 2007
Սովորաբար, երբ կարդում եմ Ադրբեջանական ագիտպրոպը, հաճախ ծիծաղում եմ, քան որ` չունենալով Հայաստանի մասին տեղեկատվությունը, նրանք սկսում են զոռ տալ իրենց երևակայությանը:
Այսօր, կարդալով, Արտաշեսի դիտարկումը … նույնպես ծիծաղեցի: Այդպես էլ չհասկաց, թե ինչից է նա բողոքում, այս համառոտագրի գոյությունից, համակարգը փոխելու առաջարկից, թե ինչից: Նույնիսկ չհասկացա, թե ինչ “կառույցի” մասին է նա խոսում, որ ճիշտ չի:
ՀԳ
Մի բան պարզ է, եթե մարդ դեմ է փոփոխություններին, ուրեմն նա կողմ է այսօրվա վիճակին:
December 12, 2007
ՈՒրախ եմ, որ ծիծաղեցրեցի: Բայց տխրում եմ, որ հասկացողության հետ պրոբլեմներ ունեք: -> Կարող է ադրբեջանական ագիտպրոպ այդքան շատ պե՞տք չի կարդալ…
Պարզեցնեմ նախկինում գրածս.
1) Առաջին հերթին «կոռումպացված և սովորական քաղաքացուն հակադրված համակարգը» պետք է փոխել: (Չգիտեմ ինչպես: Մի քանի ամիս առաջ այս բլոգում առաջարկեցի մտածել դրա իրականացման հնարավոր ուղիների մասին: Պրակտիկ ուղիների: Որոշ մարդիկ էլի ծիծաղեցին, կարծես թե: Շատ ուրախ բլոգ է երևում: :))
2) Մինչև 1) չիրականանա, գրեթե ամեն մի տեխնիկական բարեփոխում պրոբլեմը վատթարացնելու և ոչ թե շտկելու մեծ հավանականություն ունի, քանի որ հոդվածի հեղինակի կողմից առաջարկվող նոր բյուրոկրատական «պատասխանատու մարմիններն ու կառույցները» մոտիվացիա չունեն իրենց գործը ճիշտ ու էֆեկտիվ կերպով կատարելու:
3) Միգրացիայի կոնկրետ օրինակից խոսելով, այդ նոր և արդեն գործող «կառույցները» («անձնագրային սեղանները, օդանավակայանի հսկիչները և տարբեր դեսպանատների աշխատողները») մեծ հավանականությամբ «կսկսեն իրենց վզերն ու գրպանները հաստացնել և/կամ օրինապահ քաղաքացիների նյարդերը այս նոր դաշտում էլ քայքայել»:
Հիմա հասկանալի՞ է միտքս: Քանի որ գործող համակարգը շարքային քաղաքացու շահերը պաշտպանելու խթան ու նպատակ չունի, ամեն մի նոր կառույց, որքան էլ տեսականորեն արդարացված լինի, իրականում սովորական մարդու կյանքը դժվարեցնելու է և կոռուպցիայի ու անարդարության մի նոր աղբյուր հանդիսանալու:
December 12, 2007
Առաջարկում եմ չգնալ բանավեճն անհատականացնելու ճանապարհով և խնդրին նայել գոյություն ունեցող իրականության տեսանկյունից ու միևնույն ժամանակ արված դիտարկումները չանձնավորել և չընդունել որպես հարված սեփական անձին, որին անհրաժեշտ է հակահարված տալ:
Ինչ վերաբերում է նյութին, ապա ինձ նույնպես թվաց, թե «հասկացողության» խնդիր կա: Հաճախ կարելի է հանդիպել առաջարկների որոնք սկսում են «ՊԵՏՔ Է» մոգական հրամայականով: Այո՛, պետք է փոխել համակարգը, պետք է ազատություն տալ, պետք է մոտիվացնել, պետք է.. պետք է… և վերջապես «ՊԵՏՔ Է ՄՈՒԺԻԿԻՆ ԿՐԹԵԼ» սա էլ բոլորիս հայտնի և «թևավոր» դարձած արտահայտությունը: Բայց հենց գալիս ենք «ինչպե՞ս» հարցին՝ մենք էլ դուք էլ, նրանք էլ էն գլխից մեզ ապահովում ենք. «ինչպե՞ս: Չգիտեմ, դրա համար կա համապատասխան մարմին ու պատասխանատու, թող մտածեն»:
Է եղբայր հենց դա էլ առաջարկում ենք: Այսօր արդեն էմիգրացիան և իմիգրացիան լուրջ տնտեսական, սոցիալական և քաղաքական խնդիրների առջև է կանգնեցնում պետությանն ու մեզ՝ քաղաքացիներիս: Շատերս շատ բաներ նկատում ու հասկանում ենք, գուցեև ունենք ինչ-որ մոտեցումներ, որոնք արդյունավետորեն կարող ենք հասցեագրել խնդիրների լուծմանը:
Դա էլ առաջարկում ենք: Ոչ թե նեղանալ մեկս մյուսից ու թողնել հեռանալ, այլ համատեղել ուժերը: Եթե գիտենք մեր հիվանդության պատճառը, ապա տանք դրա բուժման ճիշտ ստրատեգիան ու քայլերը: Միայն թե օդում չասենք «վզներն են հաստացնում ու գրպանները լցնում»: Էդ մենք ենք մեր գործողություններով թույլ տալիս, որ «հաստանա ու լցվի»: Բերեմ օրինակնե՞ր, ինչքան ուզեք: Նույն մենք չե՞ք, որ արտասահմանում գտնվելով մեկ էլ հայտնաբերում ենք, որ անձնագրի վավերականությունը ավարտվել է ու լիքը փող անձնագրի մեջ դրած ուղարկում ենք հայրենիք, որ ծանոթները տանեն կաշառք տան անձնագրային սեղանին՝ խնդիրը լուծեն: Էդ մենք չե՞նք, որ մերժումը ստանալով, փորձում ենք գտնել մեկին, որ մի աստղաբաշական թվով վիզան ի վերջո խփել տա: Այո, մենք ենք ու մենք էլ ահագին խնդրում ենք, որ իրենք խախտեն օրենքը: Այսպես կարելի է շարունակել: Է չանենք, գիտենք որ անձամբ պիտի ներկայանանք ու համապատասխան ժամկետում դիմենք ու ստանանք, այդպես էլ անենք: Օրենքը դա է պահանջում ուրեմն անենք…
Այ հիմա կասեք օրենը վատն է: Հավատացնում եմ մեզանում խնդիրն այնքան էլ օրենքի լավի ու վատի մեջ չի, մեր մեջ է:
Դրա համար էլ առաջարկում ենք համատեղել ուժերը և չենք առաջարկում ստեղծել նոր կառույց, ընդհակառակը ասում ենք, որ եղած կառույցների շրջանակներում պիտի լուծենք խնդիրը: Ճիշտ է ժողովրդի մեջ խոսք կա՝ «եթե ուզում ես մի գործ տապալես, ուրեմն հանձնաժողով ստեղծիր», միևնույն ժամանակ բազմաթիվ համակարգային և ինստիտուցիոնալ խնդիրներ հենց այդ ճանապարհով էլ լուծվել են: Իսկ եթե դեմ ենք այդ մոտեցմանը, ուրեմն ոչ թե փնովենք այլ, չստեղծելով ոչ մի հանձնաժողով կամ չմիավորելով ուժեը, վերցնենք թուղթ ու գրիչ և տանք մեր դեղատոմսը: Բայց այս անքամ՝ չդիմելով այն «մոգական պետքեներին»:
December 12, 2007
Շնորհակալություն Արտաշեսին պարզեցնելու համար
====1) Առաջին հերթին «կոռումպացված և սովորական քաղաքացուն հակադրված համակարգը» պետք է փոխել: ====
Երբ նման համակարգը սերտաճում է պետության հետ, ապա այն փոխելը պահանջում է հեռանկարություն և խելամտություն: Այլապես մնում է երկու ելք, կամ համակարգը վերացնել պետության հետ միասին, կամ էլ անարխիստական մոտեցում ,_ “ավելի լավ է անիշխանություն, քան թե վատ
իշխանություն”
Հա, կա նաև երրորդ լուծումը` մնալ դիտորդի կարգավիճակում` դիտելով, թե ինչպես է նշված կոռումպացված համակարգը քայքայում պետությունը
====2) Մինչև 1) չիրականանա, գրեթե ամեն մի տեխնիկական բարեփոխում պրոբլեմը վատթարացնելու և ոչ թե շտկելու մեծ հավանականություն ունի,====
Ինչու՞, և ո՞վ է խոսում տեխնիկական բարեփոխման մասին: Փառք Աստծո, հիմնականում զբաղված ենք “ուղեղների” կամ ավելի ճիշտ մտածողության բարեփոխումներով: Տեխնիկական բարեփոխումների փուլը վաղուց անցյալ է Հայաստանի համար:
==== քանի որ հոդվածի հեղինակի կողմից առաջարկվող նոր բյուրոկրատական «պատասխանատու մարմիններն ու կառույցները» մոտիվացիա չունեն իրենց գործը ճիշտ ու էֆեկտիվ կերպով կատարելու:====
հոդվածում չկա նոր բյուրոկրատական մարմին ստեղծելու առաջարկ: Երբեմն ստերեոտիպները խանգարում են օբյեկտիվ դատել երկէջանոց նյութը:
====3) Միգրացիայի կոնկրետ օրինակից խոսելով, այդ նոր և արդեն գործող …====
ինչպես նշեցի չկա նոր ստեղծվող կառույց: Միակ առաջարկը միջգերատեսչական հանձնաժողովն է, որը սովորաբար ստեղծվում է քաղաքականություն մշակելու համար (միակ լիազորությունը թուղթ գրելն է, անդամները` նախարարներ, փոխնախարարներ և այլ պաշտոնյաներ ու շահագրգիռ կառույցների ներկայացուցիչներ) և այն հաճախ ստեղծվում է այն դեպքում, երբ տարբեր մարմիններ պետք է միասին համագործակցեն ու շարժվեն ընդհանուր շահով:
====«կառույցները» («անձնագրային սեղանները, օդանավակայանի հսկիչները և տարբեր դեսպանատների աշխատողները») մեծ հավանականությամբ «կսկսեն իրենց վզերն ու գրպանները հաստացնել և/կամ օրինապահ քաղաքացիների նյարդերը այս նոր դաշտում էլ քայքայել»:====
միգրացիայի դաշտը շատ հին է, դժվար է այն նոր կոչել: Իսկ նյարդերը կարողանում են քայքայել, երբ ամեն մեկն իր նեղ անձնական շահով է առաջնորդվում: Երբ տարբեր մարմինների մեկ սեղանի ես նստեցնում ստացվում է լիովին այլ դինամիկա: (Հայաստանը դեռևս այդքան չի “զարգացել”, որ պաշտոնյաների մակարդակով բանդա ձևավորվի: բանդայի կապող թելերը այլ տեղերում են գտնվում) Խնդիրը հենց նրանում է, որ ամեն մեկը վերմակը իր կողմն է ձգում:
====Հիմա հասկանալի՞ է միտքս:====
Այո: Եվ ցավոք սրտի այն չափից շատ է հիմնված ընդհանրացումների վրա: Իմ ասածն էլ հենց դա էր: Երբ տեղյակ չես, թե համակարգն ինչպես է աշխատում, սկսում ես առաջնորդվել ստերեոտիպներով:
====Քանի որ գործող համակարգը շարքային քաղաքացու շահերը պաշտպանելու խթան ու նպատակ չունի, ամեն մի նոր կառույց, որքան էլ տեսականորեն արդարացված լինի, իրականում սովորական մարդու կյանքը դժվարեցնելու է և կոռուպցիայի ու անարդարության մի նոր աղբյուր հանդիսանալու:====
Սա տիպիկ անարխիստական հայտարարություն է: Սովորաբար անարխիստները հիմնավորում են իրենց թեզի գերակայությունը կառավարման մյուս մոդելների նկատմամբ (բռնապետություն, ժողովրդավարություն և այլն): Հույս ունեմ քեզնից լսելու Հայաստանում անարխիզմի անհրաժեշտության քո հիմնավորումները:
December 13, 2007
Արմեն,
Դուք չեք առաջարկում, թե ինչպես, ձեր խոսքերով ասած, «փոխել համակարգը», «ազատություն տալ» և «մոտիվացնել»: Այդպես որ ձեր առաջին «Է եղբայր հենց դա էլ առաջարկում ենք» տեղին չէր:
Ձեր երկրորդ «Դա էլ առաջարկում ենք» վերաբերում է կոնկրետ բնագավառին, միգրացիային: Մի քանի անգամ շեշտեցիք, որ լուրջ խնդիրների (կամ հիվանդության) առաջ ենք կանգնած: Նախ, բուժելուց առաջ պետք է տալ հստակ ախտորոշում: Խնդրում եմ թվարկեք խնդիրներն ու դիագնոզեք հիվանդությունը: Առանց դա անելու, հետագա բանավեճը երկու խլերի խոսակցությանն է նմանվում: Քանի որ կասկածում եմ, որ մեր դիագնոզները զգալիորեն տարբերվում են, զուգահեռ խոսելու և իրար չլսելու վտանգ կա: Այսքանը դեռ:
October 17, 2009
Автомобиль - мобильный холмик. кенгурятники
October 29, 2009
Когда мужчине плохо - он ищет женщину. Когда мужчине хорошо - он ищет еще одну.
Смотрите также - телефонный sex
November 13, 2009
системы для любых типов морских судов. Копплектующие для судоремонта. Поставка из Китая.
Компания «SPS Supply» осуществляет снабжение из Китая всех видов комплектующих для судоремонта, для любых типов морских судов.
судовое электрооборудование
November 13, 2009
Пост реально понравился. Автору спасибо. В поддержку темы тоже делюсь тем, что близко мне - эксклюзивные новости, Заходите - не пожалеете
November 16, 2009
Текст реально понравился. Автору респект. В поддержку темы тоже делюсь тем, что близко мне - http://www.порно-онлайн.su, Заходите - не пожалеете
Trackbacks & Pingbacks
Politics: The Week in The Armenian Blogosphere « The Armenian Observer Blog
Pingback on December 8th, 2007 at 6:30 pm
Leave a Comment